Atyraý oblysynda mal azyǵyna qajet pishenniń 61 paıyzy daıyndalǵan
Atyraý oblysynyń ákimi Serik Shápkenovtiń málimetinshe, aýyl sharýashylyǵy maqsatyndaǵy 3,2 mln gektar jer bar. Shabyndyq maqsatyndaǵy jer qory 50,5 myń gektardy quraıdy. Onyń ishinde 4 017 gektardyń 49 paıyzyna jańbyrlatý ádisimen sýarylady.
«Qysqy maýsymǵa mal azyǵyna 600,2 myń tonna shóp qajet. Onyń 80 paıyzy oblys aýmaǵynan, 20 paıyzy kórshiles oblystardan daıyndalady. Osy kezge deıin qajetti pishenniń 61 paıyzy daıyndaldy. Pishen daıyndaýǵa 705 traktor, 1 341 shóp shabatyn agregat, 630 tasymaldaýshy tehnıka jumyldyryldy. Mal azyǵyn daıyndaý shyǵynyn óteý úshin jergilikti bıýdjetten sharýashylyqtarǵa 1,9 mlrd teńge sýbsıdııa bólindi. Sońǵy 3 jylda sýbsıdııa qarjysy eki esege artty», dep habarlady Serik Shápkenov.
Ákimniń deregine súıensek, sharýashylyqtarǵa 41 myń tonna kebek qajet. Qazir sharýashylyqtar qajetti kebektiń 45 paıyzymen qamtylǵan.
«Jem baǵasyn turaqtandyrý qolǵa alyndy. Jem daıyndaýshylar esebinen 1,2 myń tonna kebek daıyndaldy. Onyń 1 kelisin 60-65 teńgeden satý uıymdastyryldy. Al, jeke sektor arqyly 34 operator sharýashylyqtarǵa jem tasymaldaýmen aınalysady. Olar jemniń 1 kelisin 90-100 teńge aralyǵynda satady», -dep málim etti Serik Shápkenov
Eske sala ketelik, budan buryn Atyraý oblysynda nysandardyń jylytý maýsymyna daıyndyǵy 72 paıyz ekenin habarlaǵan edik.
