Atyraý oblysynda «Lexus LX470» kóliginen 468 keli bekire tuqymdas balyq tárkilendi
ATYRAÝ. QazAqparat – Atyraý oblysynda «Lexus LX470» kóliginen 468 keli bekire tuqymdas balyq tárkilendi, dep habarlaıdy QazAqparat.
Oblystyq polıtsııa departamentiniń baspasóz qyzmetinen málim etkendeı, jol talǵamaıtyn kólik Kaspıı teńiziniń jaǵasynda qumǵa batyp qalǵan.
«Isataı aýdandyq polıtsııa bólimi men UQK Atyraý oblysy boıynsha shekara departamentine qarasty zastava qyzmetkerleri birlesip Janbaı aýylynyń tusynda saǵat 05:00 shamasynda «Lexus LX470» markaly kóliginen 120 dana, salmaǵy 468 keli bekire tuqymdas balyǵyn tárkiledi. Jarty tonnaǵa jýyq baǵaly balyqty tıegen jol talǵamaıtyn kólik Kaspıı teńiziniń qumdy jaǵalaýynda batyp qalǵan» -dep habarlady departamenttiń baspasóz qyzmeti.
Qazir atalǵan derekke qatysty QR Qylmystyq Kodekstiń 339-babynyń 1-bóligimen sotqa deıingi tergeý júrip jatyr.
Eske sala ketelik, budan buryn Atyraý oblysynda arnaıy operatsııa kezinde 812 keli bekire tárkilengen edi.
