Atyraý oblysynda Lada Priora-dan 75 keli bekire tabyldy
Polıtsııa qyzmetkerleri «Bekire» aldyn alý is-sharasy kezinde Saryózek aýylynyń tusynda «Lada Priora» avtokóligin toqtatqan.
«Isataı aýdanynyń 48 jastaǵy turǵyny basqarǵan kólikten jalpy salmaǵy 75 keli 600 gramm bekire tuqymdas balyq tabyldy. Іri kólemdegi balyqtyń júrgizýshige, álde kólikte otyrǵan 28 jastaǵy azamatshaǵa tesili ekeni anyqtaldy. Atalǵan derekke qatysty QR Qylmystyq kodekstiń 339-babynyń 1-bóligimen sotqa deıingi tekserý júrgizilip jatyr», - dep habarlady oblystyq polıtsııa departamentiniń baspasóz qyzmeti.
Baspasóz qyzmetiniń málimetinshe, 10 qyrkúıekten beri 105 quqyq buzýshylyq, onyӊ ishinde 102 zaӊsyz balyq aýlaý, 3 balyq ónimderin tasymaldaý faktileri anyqtalǵan. Sondaı-aq, 109 quqyq buzýshy ustalǵan. Zańsyz aınalymnan 1 tonna 734 keli balyq, onyӊ 1 tonna 95 keli bekire tuqymdas balyǵy, 2 keli qara ýyldyryq tárkilengen.
Eske sala ketelik, buǵan deıin Atyraý-Oral trassasynda zańsyz aýlanǵan 1 tonna bekire tárkilengenin jazǵan edik.
