Atyraý oblysynda qyzylsha aýrýyna shaldyqqandar sany 62 adamǵa jetti
ATYRAÝ. QazAqparat - Atyraý oblysynda qyzylsha aýrýyna shaldyqqandar sany 62 adamǵa jetti, dep habarlaıdy QazAqparat tilshisi.
«Qazirgi kezde aımaqta qyzylsha aýrýynyń belgileri baıqalǵan 62 adam anyqtaldy. Sonyń ishinde 32 adamnan alynǵan taldaý qorytyndylary qyzylsha derti baryn rastady. Aýrýǵa shaldyqqandardyń 47 paıyzy - bir jasqa deıingi balalar», - dep habarlady Atyraý oblystyq Qoǵamdyq densaýlyq saqtaý departamentinen.
Eske sala keteıik, bir apta buryn oblysta qyzylsha aýrýyna shaldyqqan adamdaryń sany 41-ge jetken. Naýqastanǵandardyń sany apta boıy ósken: 8 qańtarda olar nebári 11 bolatyn. Bul rette, sońǵy eki jyldyń ishinde adamdardyń qyzylsha aýrýyna shaldyqqan birde-bir jaǵdaıy tirkelmegen. 2016 jyly úsh jaǵdaı tirkeldi, al 2015 jyly bul aýrýǵa 91 adam shaldyqqan.
Avtor: A.Sokolov
