Atyraý oblysynda qyzylsha aýrýy tómendedi
ATYRAÝ. QazAqparat - Atyraý oblysynyń densaýlyq saqtaý basqarmasynyń ókilderi qyzylsha aýrýynyń tómendeýin atap ótti, dep habarlaıdy QazAqparat.
Óńirlik kommýnıkatsııalar qyzmetiniń habarlaýynsha, buqaralyq aqparat quraldarynyń qatysýymen ótken brıfıngte oblystyq densaýlyq saqtaý basqarmasynyń Ana men balany qorǵaý bóliminiń basshysy Uljan Muhtarova oblystaǵy osy aýrýdyń taralý jaǵdaıy týraly habardar etti.
«№2 oblystyq aýrýhanada 111 bala emdeldi. Búgingi kúni 30 bala aýrýhanaǵa jatqyzyldy. Olardyń jaǵdaıy turaqty. Jalpy alǵanda, ımmýndy fermentti zerthana arqyly qyzylshanyń 54 jaǵdaıy rastaldy. Aýrý kórsetkishi tómendegenin atap ótkim keledi. Qyzylshanyń aýyr jaǵdaılary baıqalmaıdy. Negizinde, ýaqtyly vaktsınatsııadan ótpegen balalar zardap shegedi. Bul juqpaly aýrýlar sanynyń ósý sebepteriniń biri», - deıdi Uljan Muhtarova.
Qyzylshanyń joǵary deńgeıi balalardyń 90% -nyń qyzylshaǵa qarsy vaktsına almaýyna baılanysty. Týa bitken ımmýnıtet balalarǵa berilmeıdi jáne olar juqpaly aýrýǵa asa sezimtal boldy. Statıstıka boıynsha, oblysta 30 jasqa deıingi 8 myńnan astam adam egilgen joq.
Sondaı-aq qyzylshamen aýyratyn balalardyń 90% -y egý jasyna jete almaǵan balalar. Ádette, vaktsınatsııa 1 jastaǵy nemese 6 jastaǵy balalarǵa beriledi.
«Ata-analardyń óz balalaryna vaktsınatsııadan bas tartýy jaǵdaıdy da qıyndatady. Dıfterııa, skarlatınanyń aýrýlary oqshaýlanyp tur. Baqytymyzǵa oraı, bizdiń oblysta osyndaı aýrýlar joq. Sondyqtan biz barlyq ata-analardy vaktsınatsııadan bas tartpaýǵa shaqyramyz», - deıdi Uljan Muhtarova.
Oblystyq densaýlyq saqtaý basqarmasynyń bólim basshysy Gúlnafıs Tanbaevanyń aıtýynsha, sońǵy derekter boıynsha 6 jasqa deıingi 4144 bala vaktsınatsııadan bas tartty.
«Taldaý júrgizildi. Medıtsınalyq sebepter boıynsha vaktsınatsııadan ótpegender bar, biraq kóbinese ózderi bas tartady. Bıyl biz 31 450 adamǵa vaktsınatsııalaýymyz kerek. Birinshi toqsanda 4,7 myń adamdy egý josparlanǵan. Bul jumys júrgizildi. Aýrýlardyń artýyna baılanysty biz qosymsha 7000 doza vaktsına satyp alýǵa ótinim jasadyq»,- deıdi Gúlnafıs Tanbaeva.
Dárigerlerdiń aıtýynsha, adamdar vaktsınalardy qabyldaýdyń mańyzdylyǵyn túsindi. Sondyqtan, buryn vaktsınaǵa qarsy egilmegen adamdar medıtsınalyq mekemelerge kelip egildi. Bul júrgizip otyrǵan aldyn-alý jumystary nátıjesin beretindigin kórsetedi.
