Atyraý oblysynda qysqa azyq retinde daıyndalǵan 10 tonnadan astam shóp órtenip ketti

ATYRAÝ. QazAqparat – Atyraý oblysynda aýladaǵy qysqa azyq retinde daıyndalǵan 47 rýlon, shamamen 10 tonnadan astam shóp túgi qalmaı órtenip ketti, dep habarlaıdy QazAqparat.

Oblystyq tótenshe jaǵdaılar departamenti qoǵammen baılanys tobynyń málimetine qaraǵanda, órt 7 tamyzda saǵat 03:25-te bolǵan.

Qyzylqoǵa aýdanynyń Muqyr aýylyndaǵy Ǵ.Esengalıev kóshesindegi eki úıdiń aýlasynda aldaǵy qysqa daıyndalǵan rýlon shóp jınalǵan. Onyń jalpy aýdany 15h8 metrdi aýmaqty quraıdy.

Jalynnyń saldarynan aýladaǵy 47 rýlon túgi qalmaı janyp ketti. Órt saǵat 05:30-da oqshaýlanyp, saǵat 06:30-da tolyq sóndirildi

«Órt sóndirýge Atyraý oblysynyń tótenshe jaǵdaılar departamentiniń 3 qyzmetkeri men 1 tehnıkasy, «Semser» JShS-niń 6 qyzmetkeri men 2 tehnıkasy tartyldy. Jalynnyń saldarynan zardap shekkender joq», -dep habarlady departamenttiń qoǵammen baılanys toby.

Eske sala ketelik, budan buryn Atyraý oblysynda 1 myńnan astam edilbaı tuqymdy qoı tirideı janyp ketkenin, keıin bul úshin ótemaqy tólenbeıtinin habarlaǵan edik.

Oblystyq aýyl sharýashylyǵy basqarmasy basshysynyń orynbasary Azamat Aıtqalıevtiń aıtýynsha, Qurmanǵazy aýdanyndaǵy «Súıindik asyl tuqymdy qoı zaýyty» JShS ıeligindegi 1 myńnan astam edilbaı tuqymdy qoıdy dala órti sharpyǵan. Onyń ishinde 619 saýlyq, 414 qozy bolǵany anyqtaldy. Aýladaǵy 516 qoı, 1 ingen, 1 bota tolyqtaı órtenip ketken. Al 13 qoı joǵalǵan.

Biraq, seriktestik basshylary maldy saqtandyrmaǵan. Sol sebepten kásipkerge memleket tarapynan ótemaqy tólenbeıdi.

Avtor: Bek Mustafa