Atyraý oblysynda qujaty joq 12 adam anyqtaldy
ATYRAÝ. QazAqparat –Atyraý oblysynda azamattyǵyn anyqtaıtyn qujaty joq 12 adam anyqtaldy, dep habarlaıdy QazAqparat.
Bul týraly óńirlik kommýnıkatsııalar qyzmetiniń alańynda QR ІІM Kóshi-qon qyzmeti komıteti tóraǵasynyń orynbasary, polıtsııa polkovnıgi S.Seıitjanov pen Qazaqstandaǵy adam quqyǵy jáne zańdylyqtyń saqtalýy jónindegi halyqaralyq bıýro dırektorynyń
orynbasary D.Djıvaganyń qatysýymen ótken brıfıngte málim boldy.
Mınıstrlik ókiliniń aıtýynsha, KSRO kezeńinen beri qujattandyrylmaǵan nemese jeke basyn kýálandyratyn qujaty joq, tólqujatyn almastyrmaǵan azamattardy anyqtap, qujattandyrýǵa baǵyttalǵan respýblıkalyq aktsııa ótkizilip jatyr.
«Atyraý oblystyq polıtsııa departamentiniń kóshi-qon qyzmeti basqarmasy atalǵan aktsııa
kezinde 12 tulǵany anyqtady. Onyń ishinde QR azamattyǵyn aıqyndaıtyn qujattarsyz,
ıaǵnı KSRO tólqujatymen júrgen 3, QR azamattyǵyna jatatyndyǵyn basqa qujattarmen aıqyndaıtyn qujattarsyz - 3, QR azamattyǵynan shyǵýyna baılanysty azamattyǵy joq adam dep tanylǵan - 1, shet memlekettiń azamattyǵynan shyǵýyna baılanysty azamattyǵy joq adam dep tanylǵan 6 tulǵa bar» -dep habarlady QR ІІM Kóshi-qon qyzmeti komıteti tóraǵasynyń orynbasary, polıtsııa polkovnıgi S.Seıitjanov.
Eske sala ketelik, budan buryn Atyraýda quqyq buzǵan 50 sheteldik elden shyǵarylǵanyn habarlap edik.
