Atyraý oblysynda kúzgi balyq aýlaý maýsymy ashyldy
ASTANA. 16 tamyz. QazAqparat - Búgin Atyraý oblysyndaǵy Jaıyq jáne Qıǵash ózenderinde balyq aýlaý naýqany ashyldy.
QR AShM baspasóz qyzmetiniń málimetinshe, Qazaqstan Respýblıkasy Úkimetiniń 2012 jylǵy 7 naýryzdaǵy «Balyq resýrstary men basqa da sý janýarlaryn, olardyń bólikteri men derıvattaryn paıdalanýǵa shekteý men tyıym salýdy engizý, olardy paıdalaný oryndary men merzimderin belgileý týraly» qaýlysymen Jaıyq-Kaspıı basseıninde 25 sáýirden 15 tamyzǵa deıin balyq aýlaýǵa tyıym salý engizildi. Ol balyq resýrstarynyń tirshilik etetn jerlerinde ósip-ónýin saqtaý maqsatynda antropogendik áserdi tómendetýge jáne tabıǵı kóbeıýine jaǵdaı týǵyzýǵa baǵyttalǵan.
Qazaqstan Respýblıkasy Úkimetiniń 2012 jylǵy 16 qańtardaǵy «Balyq sharýashylyǵy sý toǵandarynda balyq jáne basqa sý janýarlaryn aýlaýdyń 2012 jylǵa arnalǵan lımıtterin bekitý týraly» qaýlysymen Jaıyq-Kaspıı basseıninde 36928,515 tonna, Jaıyq ózeninde 10 tonna jáne Qıǵash ózeninde 5 tonna kóleminde balyq aýlaý lımıti bekitildi.
