Atyraý oblysynda qusbegilikten Qazaqstan chempıonaty ótedi
24-26 aqpan aralyǵynda Atyraý qalasynda elimizdiń dástúrli, tól sporty qusbegilikten eresekter arasynda XVI Qazaqstan Respýblıkasynyń chempıonaty ótedi. Jarysqa elimizdiń 14 óńirinen 100-ge jýyq sportshy qatysady», - delingen Respýblıkalyq qusbegilik federatsııasynyń málimetinde.
Chempıonat reglamenti boıynsha báseke 3 túrli sporttyq qus – búrkit, qarshyǵa jáne ıtelgi arasynda ótedi.
Ótetin orny: Atyraý oblysynyń Jańatalap aýyly.
Eske salaıyq, aqpan aıynyń alǵashqy jartysynda Taldyqorǵan qalasynda jastar arasynda qusbegilikten QR XIV chempıonaty ótti. Týrnırge óńirlerdegi jasóspirimder men balalar sport mektepteriniń oqýshylary 70-ten astam qusbegimen qatysty. Nátıjesinde búrkitshiler saıysynda Atyraý oblysynan qatysqan Imanǵalı Abdýlkárimuly jeńimpaz atandy. Qarshyǵany qolǵa shaqyrýdan bas júldeni Almaty oblysynyń ókili Seıitjan Beksultan ıelendi. Al ıtelgi salýdan Túrkistan oblysynan kelgen Músálim Salmanǵa teń keler qusbegi bolǵan joq.