Atyraý oblysynda qurǵaq qurylys qospalaryn shyǵaratyn tseh iske qosyldy
Atyraý oblysy ákiminiń birinshi orynbasary Serik Aıdarbekovtiń málimetinshe, Inder aýdanyndaǵy «ISI Gıps Inder» JShS-niń qurǵaq qurylys qospalar tsehy Údemeli ındýstrııalyq-ınnovatsııalyq damý memlekettik baǵdarlamasy aıasynda ashylǵan.
«Jańa tsehta táýligine 20-30 tonna ónim shyǵarylady. Otandyq ónim qurylys ındýstrııasynda keńinen qoldanylady. Óńirdegi shaǵyn aýyldardy osyndaı nysandar jumys isteıtin óndiristik ortalyqqa aınaldyrý kózdelip otyr. «Qara altyn» óndirýmen tanymal bolǵan Atyraý oblysy endi jerasty qazba baılyǵyn kádege jaratýmen taǵy bir márte tanyla túspek», - dedi Serik Aıdarbekov.
«ISI Gıps Inder» JShS-niń dırektory Joldas Úmbetııarovtyń aıtýynsha, jobanyń jalpy quny 160 mln teńgeni quraıdy.
«Qurǵaq qurylys qospalary men usaq ónimder shyǵaratyn zaýyttyń jyldyq qýaty – 10 000 tonna. Táýligine 20-30 tonna ónim shyǵaratyn tsehtyń ónimi 25 kelilik qapqa salynǵan. Ony sylaq jaǵýǵa paıdalanýǵa bolady. Qazirdiń ózinde bizdiń ónimge suranys joǵary bolyp otyr. Suranys artqan saıyn ónim kólemin ulǵaıtamyz», -deıdi Joldas Úmbetııarov.
Eske sala ketelik, buǵan deıin Atyraýda Táýelsizdik kúni qarsańynda 200 oryndyq jataqhana ashylǵanyn jazǵan bolatynbyz.
