Atyraý oblysynda qýattylyǵy 1100 tonna jylyjaı salyndy
ATYRAÝ. QazAqparat - Atyraý oblysynda qýattylyǵy 1100 tonna bolatyn kókónis jylyjaıy salyndy, dep habarlaıdy «QazAqparat» HAA tilshisi óńirlik kommýnıkatsııalar qyzmetine silteme jasap.
Nysannyń ashylýyna baılanysty Qulsary qalasynyń turǵyndary úshin 30 jumys orny paıda boldy.
«Jylyjaıdyń aýmaǵy 2 gektardy quraıdy. Mamandardy oqytýmen tájirıbeli agronomdar jáne Gollandııadan kelgen mamandar aınalysty. Zamanaýı qurylǵylarmen jabdyqtalǵan jylyjaıda tamshylap sýarý ádisi qoldanylýda. Jylyjaıǵa arnalǵan quraldar munaı kompanııalardyń biriniń qoldaýymen satyp alynyp, 2 mln eýro jumsaldy. Al qurylysty kásipkerdiń ózi jeke qarajaty esebinen qarjylandyrdy. Nysannyń ashylýyna baılanysty Qulsary qalasynyń turǵyndary úshin 30 jumys orny paıda boldy», - dedi bastamashy, «Atyraý-Saýda» JShS dırektorynyń Álimjan Baıjigitov.
Alǵashqy ónim birneshe aıdan keıin alynbaq. Kókónisterdiń baǵasy jergilikti turǵyndar úshin qoljetimdi bolady. 
Óńir basshysy Nurlan Noǵaev Jylyoı aýdanyna jasaǵan sapary kezinde Jylyjaıǵa barǵan bolatyn. Oblys ákimi jaýapty tulǵalarǵa óńirdiń aýyl sharýashylyǵy salasyn damytýǵa baılanysty birqatar tapsyrmalar berdi. 
Aıta keteıik, Atyraý oblysynda jylyjaı ashýǵa nıetti kásipkerler sany jyl sanap artyp keledi. 
