Atyraý oblysynda qoı shesheginen zardap shekken sharýashylyqqa ótemaqy tólenedi

ATYRAÝ. QazAqparat – Atyraý oblysynda qoı shesheginen zardap shekken sharýa qojalyǵyna memleket ótemaqy tóleıdi, dep habarlaıdy QazAqparat tilshisi.

«Qurmanǵazy aýdanynyń Súıindik aýylynda qoı qyryldy. Jalpy 1460 bas ýaq mal qyrylǵan. Maldyń qoı shesheginen qyrylǵany anyqtaldy. Osy juqpaly aýrýdan zardap shekken sharýa qojalyǵyna memleket ótemaqy tóleıdi. Sharýalarǵa ár mertikken úlken qoı úshin 45 myń teńge ótemaqy tólenýi múmkin», - deıdi oblystyq veterınarııa basqarmasynyń basshysy Azamat Aıtqalıev.

Eske sala keteıik, Atyraý oblysynyń Qurmanǵazy aýdanyndaǵy Súıindik aýyldyq okrýginde qoı sheshegine baılanysty karantın rejımi engizilgen bolatyn.

Avtor:A. Sokolov