Atyraý oblysynda kóshi-qon zańnamasy 1 381 márte buzylǵan

ATYRAÝ. QazAqparat – Atyraý oblysynda kóshi-qon zańnamasy 1381 márte buzylǵan, dep habarlaıdy QazAqparat.

Oblystyq polıtsııa departamenti baspasóz qyzmetiniń málimetinshe, 5-12 shilde aralyǵynda «Zańsyz mıgrant – 2021» jedel profılaktıkalyq is-sharasy ótken.

Onyń qorytyndysymen kóshi-qon salasyndaǵy zańnamany buzýdyń 1 381 deregi anyqtaldy.

«Onyń ishinde QR Halyqtyń kóshi-qony týraly zańyn buzǵan 1 063 sheteldikke ákimshilik shara qoldanyldy. Al, 22 sheteldik kóshi-qon zańdylyǵyn buzǵany úshin sot sheshimimen elden shyǵaryldy. Buǵan qosa, sheteldikterdi jáne azamattyǵy joq adamdardy qabyldaıtyn jeke nemese zańdy tulǵalardyń halyqtyń kóshi-qony salasyndaǵy zańnamasyn buzǵan 318 adam ákimshilik jaýapkershilikke tartyldy» dep habarlady departamenttiń baspasóz qyzmeti.

Sondaı-aq, qurylys alańdarynda jeke basyn kýálandyratyn qujatsyz jumys istep júrgen Ózbekstannyń 188 azamaty anyqtalǵan.

Sheteldikter qabyldaý-taratý ornyna oqshaýlanǵan.

Eske sala ketelik, budan buryn Atyraýda 16 mıgrant kópqabatty úıdiń qurylysyna zańsyz tartylǵanyn jazǵan edik.