Atyraý oblysynda qorshaǵan ortaǵa 1 mlrd 15 mln teńgeniń zalaly kelgen
ATYRAÝ. QazAqparat – Atyraý oblysynda byltyr qorshaǵan ortaǵa 1 mlrd 15 mln teńgeniń zalaly kelgen, dep habarlaıdy QazAqparat.
Oblystyq ekologııa departamentiniń basshysy Álibek Bekmuhametovtiń málimetinshe, atmosferalyq aýany lastaýshylar qatarynda munaı óńdeý zaýyty men munaı óndirýshi kásiporyndar bar. Sondaı-aq, «Týhlaıa balka», «Kvadrat» býlaný alańdary men qatty turmystyq qaldyqtar alańy qorshaǵan ortany lastaýshylar qataryna kirgen.
«Byltyr jospardan tys 52 tekserý júrgizildi. Ekologııa zańnamasynyń talaptaryn buzǵan 177 derek anyqtaldy. Qorshaǵan ortaǵa keltirilgen zalaldyń kólemi 1 mlrd 15 mln 750 myń teńgeni qurady. Sot sheshimimen «SAT Trans Service» JShS-niń qaldyqtardy basqarý kesheniniń jumysy toqtatyldy. «Bazis Constructtion» JShS-niń sýdy ýaqytsha demıneralızatsııalaý qondyrǵysyn, «KSS» JShS-ne qondyrǵylardy paıdalanýǵa tyıym salyndy. Sot sheshimderi zańdy kúshine endi», -dep málim etti Álibek Bekmuhametov.
Eske sala ketelik, buǵan deıin Atyraý oblysynda byltyr aýyr salmaqty kólik ıeleri 52 mln teńge aıyppul tólegenin jazǵan bolatynbyz.
