Atyraý oblysynda koronavırýsten 233 adam qaıtys bolǵan
ATYRAÝ. QazAqparat – Atyraý oblysynda jyl basynan beri koronavırýs ınfektsııasynan 233 adam qaıtys bolǵan, dep habarlaıdy QazAqparat.
Oblystyq densaýlyq saqtaý basqarmasy basshysynyń orynbasary Qaısar Abdalıevtiń aıtýynsha, Atyraýda kúrdeli epıdemııalyq ahýal qalyptasyp otyr.
«Sońǵy 7 táýlikte koronavırýs ınfektsııasyn juqtyrǵandar sany 30%-ǵa artty. Máselen, 16 shildede 342, 22 shildede 489 adam koronavırýs ınfektsııasyn juqtyrdy. Osyǵan baılanysty 414 rezervtik tósek-orynnyń 99%-y naýqastarǵa toldy», - deıdi Qaısar Abdalıev.
Onyń málimetinshe, byltyr koronavırýs ınfektsııasynan 110 adam qaıtys bolǵan. Al, bıylǵy qańtardan beri qaıtys bolǵandar adamdardyń sany 233-ke jetken.
«Atyraý oblysynda 67 naýqas jansaqtaý bóliminde emdelýde. Onyń ishinde 54 adamnyń jaǵdaıy aýyr, 13 naýqas óte aýyr halde jatyr. Naýqastardyń arasynda 11 patsıent ókpeni jasandy jeldetý apparatyna qosylǵan», - dep málim etti Qaısar Abdalıev.
Eske sala ketelik, budan buryn Atyraýda jyl basynan beri koronavırýs juqtyrǵan 160 adam qaıtys bolǵanyn jazǵan edik.
