Atyraý oblysynda koronavırýstan bir táýlikte 109 adam jazyldy
ATYRAÝ. QazAqparat –Atyraý oblysynda bir táýlikte koronavırýstan 109 adam jazyldy, dep habarlaıdy QazAqparat.
Oblys ákiminiń baspasóz qyzmetinen málim etkendeı, búgin qaýipti indetten 109 adam aıyǵyp shyqqan.
«Emdelgen naýqastardyń ishinde Teńiz kenishiniń 104 jumysshysy, 1 medıtsına qyzmetkeri, Astrahan qalasynan kelgen 1 stýdent bar. Sondaı-aq, Túrkistan qalasynyń 2 jáne Atyraý qalasynyń 1 turǵyny da otbasyna oraldy. Bul patsıentterden alynǵan test qorytyndysy teris nátıje kórsetti. Qaýipti indetten aıyqqandardyń barlyǵy ózderin jaqsy sezinedi», - dep habarlady oblys ákimdiginen.
Atyraý oblysynda koronavırýs ınfektsııasynan jazylǵandardyń jalpy sany 746 adamǵa jetti.
Budan buryn Atyraýda indetten eki adam qaıtys bolǵanyn, onyń biri úıinde bir apta jatyp qalǵanyn jazǵan bolatynbyz.
