Atyraý oblysynda koronavırýstan 710 adam úıinde emdelip jatyr
Oblystyq densaýlyq saqtaý basqarmasy baspasóz qyzmetiniń málimetinshe, ótken táýlikte – 1 qazanda 56 adam koronavırýs ınfektsııasyn juqtyrǵan. Onyń ishinde Atyraý qalasynda anyqtalǵan 32 naýqas bar. Sondaı-aq, Teńiz ken ornynda – 4, Qurmanǵazy aýdanynda – 8, Qyzylqoǵada – 5, Inderde – 4, Jylyoıda – 2, Isataı aýdanynda 1 adam qaýipti vırýsqa shaldyqqan.
«Qazir koronavırýs ınfektsııasynan emdelý úshin 710 adam úı jaǵdaıynda oqshaýlandy. Al, modýldik aýrýhanada – 120, №2 oblystyq aýrýhanada – 55, Teńiz ken ornyndaǵy statsıonarda – 82, aýdandardaǵy ınfektsııalyq statsıonarlarda 41 naýqas emdelip jatyr. Ótken táýlikte qaýipti vırýstan 97 patsıent emdelip shyqty» -dep habarlady basqarmanyń baspasóz qyzmeti.
Eske sala ketelik, budan buryn buryn Atyraý oblysynda koronavırýspen 1003 adam aýyryp jatqanyn habarlaǵan edik.