Atyraý oblysynda koronavırýstan 7 myńǵa jýyq adam emdelip jatyr

ATYRAÝ. QazAqparat – Atyraý oblysynda 6 992 adam koronavırýs ınfektsııasynan emdelip jatyr. Onyń ishinde ınfektsııalyq statsıonarlarda 1 700, al úıinde em qabyldaý úshin 5 292 naýqas oqshaýlanǵan, dep habarlaıdy QazAqparat.

Oblystyq densaýlyq saqtaý basqarmasynyń baspasóz qyzmetinen málim etkendeı, keshe 397 adam koronavırýs ınfektsııasyna shaldyqqan.

«Onyń ishinde Atyraý qalasynda qaýipti vırýs juqtyrýdyń 265 jaǵdaıy rastaldy. Al, Teńiz kenishinde 44 jumysshydan, Jylyoı aýdanynda – 34, Qyzylqoǵada – 11, Isataıda – 10, Qurmanǵazyda – 10, Inderde – 9, Maqatta – 7, Mahambet aýdanynda 7 adamnan koronavırýs ınfektsııasynyń belgisi anyqtaldy» -dep habarlady basqarmanyń baspasóz qyzmeti.

Óńirde ótken táýlikte 257 adam emdelip shyqqan.

Qazir 5 292 adam úı jaǵdaıynda em-dom qabyldap jatyr. Teńiz kenishindegi ınfektsııalyq statsıonarda – 417, aýdandardaǵy statsıonarlarda – 409, modýldik aýrýhanada – 198, №2 oblystyq aýrýhanada – 194, temirjol aýrýhanasynda – 113, kardıologııalyq ortalyqta – 109, oblystyq aýrýhanada – 76, ftızıopýlmanologııa ortalyǵynda 75 naýqas emdelýde. Al, ınfektsııalyq statsıonarǵa laıyqtalǵan jataqhanalarda 109 patsıent emdelý úshin oqshaýlanǵan.

Eske sala ketelik, budan buryn Atyraý oblysynda koronavırýs juqtyrǵan 6,5 myń adam oqshaýlanǵanyn habarlaǵan bolatynbyz.