Atyraý oblysynda koronavırýstan 2 naýqas qaıtys boldy

ATYRAÝ. QazAqparat – Atyraý oblysynda ótken táýlikte koronavırýs ınfektsııasynan 2 naýqas qaıtys boldy, dep habarlaıdy QazAqparat.

Oblystyq densaýlyq saqtaý basqarmasynyń baspasóz qyzmetinen málim etkendeı, ótken táýlikte qaýipti vırýsqa 28 adam shaldyqqan.

«Atyraý qalasynda Covid-19 juqtyrýdyń jańadan 20 jaǵdaıy rastaldy. Al, Teńiz ken ornynda – 3, Inder aýdanynda – 3, Jylyoıda – 1, Qurmanǵazy aýdanynda 1 naýqas anyqtaldy. Qazir 136 adam úı jaǵdaıynda oqshaýlanǵan. Modýldik aýrýhanada – 90, Teńiz ken ornyndaǵy statsıonarda – 33, aýdandardaǵy ınfektsııalyq statsıonarlarda 22 naýqas emdelýde. Ótken táýlikte koronavırýs ınfektsııasynan 2 naýqas qaıtys boldy» -dep habarlady basqarmanyń baspasóz qyzmeti.

Óńirdegi 580 tósek-orny bar ınfektsııalyq statsıonarlardaǵy júkteme 25%-dy qurap otyr. Infektsııalyq statsıonarlardyń 58 orynǵa eseptelgen jansaqtaý bólimshelerinde jaǵdaııy aýyr 21 naýqas jatyr. Onyń ishinde jaǵdaıy óte aýyr 4 patsıent ókpeni jasandy jeldetý apparatyna qosylǵan. Bul bólimshelerdegi júkteme – 36,2%.

Eske sala ketelik, budan buryn Atyraý oblysynda koronavırýs juqtyrǵan 17 naýqastyń jaǵdaıy aýyr ekenin habarlaǵan edik.