Atyraý oblysynda koronavırýstan 1300-ge jýyq naýqas emdelýde
ATYRAÝ. QazAqparat – Atyraý oblysynda koronavırýstan 1289 naýqas emdelip jatyr, dep habarlaıdy QazAqparat.
Oblystyq Densaýlyq saqtaý basqarmasy baspasóz qyzmetiniń málimetinshe, ótken táýlikte 75 adam koronavırýs ınfektsııasyn juqtyrǵan.
«Atyraý qalasynda 17 naýqas tirkeldi. Sondaı-aq, Teńiz kenishinde 45 jumysshydan, Jylyoı aýdanynda – 1, Inderde – 1, Mahambette – 1, Qurmanǵazy aýdanynda 10 adamnan qaýipti vırýs anyqtaldy. Koronavırýstyń sımptomdy túri 23 naýqasta baıqaldy», - dep habarlady basqarmanyń baspasóz qyzmetinen.
Ótken táýlikte koronavırýs ınfektsııasynan 52 adam emdelip shyqqan. Qazir úı jaǵdaıynda 339 adam em-dom qabyldaýda. Oblystyq ınfektsııalyq statsıonarda – 91, aýdandardaǵy statsıonarlarda – 43, Teńiz kenishindegi statsıonarda 816 naýqas jatyr.
Budan buryn Teńiz kenishinde koronavırýstan emdelip jatqan naýqastar sany 800-den asqanyn jazǵan edik.
