Atyraý oblysynda koronavırýstan 1,3 myń naýqas emdelip jatyr
ATYRAÝ. QazAqparat – Atyraý oblysynda koronavırýs ınfektsııasyn juqtyrǵan 1 324 naýqas emdelip jatyr, dep habarlaıdy QazAqparat.
Oblystyq Densaýlyq saqtaý basqarmasynyń baspasóz qyzmetiniń aqparatyna qaraǵanda, keshe qaýipti vırýs 157 adamnan anyqtalǵan. Onyń ishinde 104 jaǵdaı Atyraý qalasynda tirkelgen.
Jylyoı aýdanynda ornalasqan Teńiz ken ornynda 13, Jylyoı aýdanynda 15, Inderde – 10, Qurmanǵazyda – 9, Isataıda – 8, Maqatta – 4, Mahambet aýdanynda 2 adamnan koronavıýrs ınfektsııasynyń belgisi tabylǵan.
«Qazir úıinde 730 adam emdelip jatyr. Buǵan qosa, modýldik aýrýhanada – 193, №2 oblystyq aýrýhanada – 143, aýdandardaǵy statsıonarlarda – 144, ftızıopýlmanologııalyq ortalyqta 67 emdelýde. Al, Teńiz ken ornyndaǵy ınfektsııalyq statsıonarda 44 naýqas oqshaýlanǵan» -dep habarlady basqarmanyń baspasóz qyzmeti.
Eske sala ketelik, buǵan deıin Atyraýda koronavırýs juqtyrǵan 38 naýqas jansaqtaý bóliminde jatqanyn habarlaǵan edik.
