Atyraý oblysynda koronavırýspen 495 adam aýyryp jatyr
Oblystyq densaýlyq saqtaý basqarmasynyń baspasóz qyzmetinen málim etkendeı, keshe qaýipti vırýsty 42 adam juqtyrǵan. Onyń ishinde Atyraý qalasynda 19, Teńiz ken ornynda 5 naýqas anyqtalǵan. Al, Qurmanǵazy aýdanynda – 8, Jylyoıda – 5, Inder aýdanynda 5 adamnan koronavırýs ınfektsııasynyń belgisi tabylǵan.
Qazir 281 adam úı jaǵdaıynda em-dom alý úshin oqshaýlandy. Modýldi aýrýhanada – 94, №2 oblystyq aýrýhanada – 19, aýdandardaǵy ınfektsııalyq statsıonarda – 33, Teńiz ken ornyndaǵy ınfektsııalyq statsıonarda 68 naýqas em qabyldaýda», - dep habarlady basqarmanyń baspasóz qyzmeti.
Sondaı-aq, óńirdegi ınfektsııalyq statsıonarlardyń jansaqtaý bóliminde 14 naýqas jatyr. Onyń ishinde 1 patsıent ókpeni jasandy jeldetý apparatyna qosylǵan. Keshe koronavırýs ınfektsııasynan 1 adam qaıtys bolǵan.
Eske sala ketelik, budan buryn Atyraý oblysynda statsıonardar 200-den astam naýqas jatqanyn jazǵan edik.
