Atyraý oblysynda koronavırýsqa shaldyqqandar sany kúrt kóbeıdi
Oblystyq densaýlyq saqtaý basqarmasynyń baspasóz qyzmetinen málim etkendeı, bıylǵy 3 qańtardan beri qaýipti vırýsty juqtyrýshylar qatary kóbeıip otyr.
Máselen, 3 qańtarda – 20, 6 qańtarda – 22, 8 qańtarda – 33, 9 qańtarda 42 adamnan koronavırýs ınfektsııasynyń belgisi tabylǵan. Al, ótken táýlik – 10 qańtarda 97 adamnyń Covid-19 ınfektsııasyn juqtyrǵany anyqtalyp otyr.
«Sońǵy táýlikterde óńirde koronavırýs ınfektsııasymen syrqattanýshylyqtyń óskeni
baıqalady. Tek 10 qańtarda 97 naýqas anyqtaldy. Ásirese, Atyraý qalasynda bir kúnde Covid-19 ınfektsııasyn juqtyrýdyń 80 jaǵdaıy rastaldy. Qaýipti vırýs Jylyoı aýdanyndaǵy Teńiz ken ornynda – 6, Inder aýdanynda – 5, Qurmanǵazy aýdanynda 6 adam juqtyrdy. Koronavırýs ınfektsııasynyń sımptomdy belgisi 52 naýqasta baıqalsa, 45 adamda indet belgisi joq», -dep málim etti basqarmanyń baspasóz qyzmetinen.
Ótken táýlikte koronavırýstan 7 adam saýyǵyp shyqqan. Qazir 128 adam úı jaǵdaıynda emdelý úshin oqshaýlanǵan. Al, modýldik aýrýhanada – 124, aýdandardaǵy ınfektsııalyq statsıonarlarda – 14, Teńiz ken ornyndaǵy ınfektsııalyq statsıonarda 93 naýqas arnaıy hattamaǵa sáıkes em-dom qabyldap jatyr.
Eske sala ketelik, buǵan deıin Atyraý oblysynda bir táýlikte 18 adam koronavırýs
juqtyrǵanyn habarlaǵan edik.
