Atyraý oblysynda koronavırýsqa shaldyqqan 227 adam aýyryp jatyr

ATYRAÝ. QazAqparat – «Jasyl» aımaqtaǵy Atyraý oblysynda koronavırýs ınfektsııasyna shaldyqqan 227 naýqas aýyryp jatyr. Onyń ishinde 117 adam úı jaǵdaıynda emdelýge, al, ınfektsııalyq statsıonarlarda 110 patsıent oqshaýlanǵan, dep habarlaıdy QazAqparat.

Oblystyq densaýlyq saqtaý basqarmasynyń baspasóz qyzmetinen málim etkendeı, ótken táýlik – 5 jeltoqsanda qaýipti vırýstyń belgisi 9 adamnan anyqtalǵan. Atyraý qalasynda Sovid-19 ınfektsııasyn juqtyrýdyń 5 jaǵdaıy rastalǵan. Sondaı-aq, Teńiz ken ornynda – 2, Qyzylqoǵa aýdanynda – 1, Qurmanǵazy aýdanynda 1 naýqas tirkelgen.

«Qazir 117 adam úı jaǵdaıynda emdelýge, al, 580 orynǵa eseptelgen ınfektsııalyq statsıonarlarda 110 naýqas (júkteme – 18,9%) oqshaýlanǵan. Onyń ishinde modýldik aýrýhanada – 63, aýdandardaǵy ınfektsııalyq statsıonarlarda – 30, Jylyoı aýdanynda ornalasqan Teńiz ken ornyndaǵy statsıonarda 17 patsıent em-dom qabyldap jatyr» -dep habarlady basqarmanyń baspasóz qyzmeti.

Sondaı-aq, ınfektsııalyq statsıonarlardaǵy 58 tósek-orynǵa eseptelgen jansaqtaý bólimshelerinde jatqan 16 naýqastyń jaǵdaıy nasharlaǵan. Jaǵdaıy óte aýyr 2 patsıent ókpeni jasandy jeldetý apparatyna qosylǵan. Bul bólimshelerdegi júkteme – 27,6%.

Eske sala ketelik, Atyraý oblysynda byltyrdan beri 51 975 adam koronavırýs ınfektsııasyn juqtyrǵan.