Atyraý oblysynda koronavırýs juqtyrǵandar sany kúrt azaıdy

ATYRAÝ. QazAqparat – Atyraý oblysynda koronavırýs ınfektsııasyn juqtyrǵandarsany kúrt azaıdy, dep habarlaıdy QazAqparat.

Oblystyq densaýlyq saqtaý basqarmasynyń baspasóz qyzmetinen málim etkendeı, sońǵy

táýlikte 23 adam qaýipti vırýsqa shaldyqqan. Onyń ishinde Atyraý qalasynda 15 naýqas

tirkelgen. Teńiz ken ornynda – 1, Qyzylqoǵa aýdanynda – 5, Qurmanǵazyda – 2, Maqat

aýdanynda 1 adamnan koronavırýs belgisi tabylǵan.

«Ótken táýlikte 124 naýqas saýyǵyp shyqty. Qazir úı jaǵdaıynda 541 adam emdelip

jatyr. Sondaı-aq, modýldik aýrýhanada – 112, №2 oblystyq aýrýhanada – 58,

aýdandardaǵy ınfektsııalyq statsıonarlarda – 36, Teńiz ken ornyndaǵy statsıonarda 69

patsıent oqshaýlanǵan», -dep habarlady basqarmanyń baspasóz qyzmeti.

Eske sala ketelik, buǵan deıin Atyraý oblysynda koronavırýstan 710 adam úıinde

emdelip jatqanyn jazǵan edik.