Atyraý oblysynda koronavırýs juqtyrǵandar sany qaıta kóbeıdi

ATYRAÝ. QazAqparat – Atyraý oblysynda koronavırýs ınfektsııasyn juqtyrǵandar sany qaıta kóbeıdi, dep habarlaıdy QazAqparat.

Oblystyq densaýlyq saqtaý basqarmasynyń baspasóz qyzmetinen málim etkendeı, ótken táýlikte – 5 qazanda 46 adamnan qaýipti vırýs anyqtalǵan.

Onyń ishinde Atyraý qalasynda - 32, Teńiz ken ornynda - 4 naýqas tirkelgen.

Sondaı-aq, Inder aýdanynda – 5, Jylyoıda – 2, Qurmanǵazy aýdanynda 2 adam koronavırýs ınfektsııasyna shaldyqqan.

«Ótken táýlikte qaýipti vırýstan 4 adam qaıtys boldy. Al, 109 patsıent emdelip shyqty. Qazir 488 adam úı jaǵdaıynda emdelip jatyr. Infektsııalyq statsıonarlarda 265 naýqas em-dom qabyldaýda. Onyń ishinde modýldik aýrýhanada – 108, Teńiz kenishindegi statsıonarda – 70, al, №2 oblystyq aýrýhanada – 49, aýdandardaǵy ınfektsııalyq statsıonarlarda 38 patsıent oqshaýlanǵan» -dep málim etti basqarmanyń baspasóz qyzmetinen.

Eske sala ketelik, budan buryn Atyraý oblysynda koronavırýs juqtyrǵandar birshama azaıǵanyn habarlaǵan edik.