Atyraý oblysynda koronavırýs juqtyrǵandar sany azaıdy
Oblystyq densaýlyq saqtaý basqarmasynyń baspasóz qyzmeti taratqan aqparatqa qaraǵanda, ótken táýlikte 126 adam qaýipti vırýsqa shaldyqqan. Onyń ishinde Atyraý qalasynda 85, Teńiz ken ornynda 36 naýqas anyqtalǵan. Al, Jylyoı aýdanynda 4, Mahambet aýdanynda 1 adamnan koronavırýs ınfektsııasynyń belgisi tabylǵan.
«Ótken táýlikte qaýipti vırýstan 643 adam saýyǵyp shyqty. Qazir úı jaǵdaıynda emdelý úshin 7 624 adam oqshaýlanǵan. Teńiz ken ornyndaǵy ınfektsııalyq statsıonarda – 451, aýdandardaǵy statsıonarlarda – 279, №2 oblystyq aýrýhanada – 176, modýldik aýrýhanada – 170, temirjol aýrýhanasynda – 83, kardıologııalyq ortalyqta – 73, oblystyq aýrýhanada – 53, ftızıopýlmanologııa ortalyǵynda 53 naýqas emdelip qabyldaýda. Sondaı-aq, statsıonarǵa laıyqtalǵan jataqhanada 76 patsıent jatyr» -dep habarlady basqarmanyń baspasóz qyzmeti.
Eske sala ketelik, budan buryn Teńiz ken ornyndaǵy ınfektsııalyq statsıonarda 574 naýqas jatqanyn habarlaǵan edik.