Atyraý oblysynda koronavırýs juqtyrǵandar sany 15 myńnan asty
ATYRAÝ. QazAqparat – «Qyzyl» aımaqtaǵy óńirdiń biri – Atyraý oblysynda byltyrǵy naýryzdan beri koronavırýs ınfektsııasyn juqtyrǵan naýqastar sany 15 myń adamnan asty dep habarlaıdy QazAqparat.
Oblystyq sanıtarlyq-epıdemıologııalyq baqylaý departamenti baspasóz qyzmetiniń málimetinshe, ótken jylǵy 28 naýryzdan bıylǵy 17 qańtarǵa deıin koronavırýs ınfektsııasynyń 15 030 jaǵdaıy tirkelgen.
Onyń ishinde 4186 jaǵdaı - sımptomdy, 10 844 jaǵdaıy - sımptomsyz bolyp otyr.
«Osy kezeńde Atyraý qalasynda – 6339, Jylyoı aýdanynda – 6590, onyń ishinde Teńiz ken ornynda – 5352, Qulsary qalasynda 1238 naýqas tirkeldi. Al, Inder aýdanynda – 404, Isataıda – 262, Qyzylqoǵada – 485, Qurmanǵazyda-382, Maqatta – 310, Mahambet aýdanynda 258 adam qaýipti vırýsqa shaldyqty» dep habarlady departamenttiń baspasóz qyzmeti.
Al ótken táýlikte 78 adam qaýipti vırýsty juqtyrǵan. Teńiz kenishinde 72 jumysshy, Atyraý qalasynda – 1, Jylyoı aýdanyndaǵy Qulsary qalasynda 5 naýqas anyqtalǵan.
«Naýqastardyń jeteýi densaýlyq jaǵdaıyna baılanysty medıtsınalyq kómekke júgingen. Skrınıng kezinde 47 adamnan COVID-19 anyqtalǵan. Infektsııa juqtyrǵan naýqastarmen 24 patsıent qarym-qatynasta bolǵan» dedi baspasóz qyzmetinen.
Oblystyq densaýlyq saqtaý basqarmasy baspasóz qyzmetiniń málimetinshe, ótken táýlikte koronavırýs ınfektsııasynan 135 adam emdelip shyqqan.
«Sońǵy málimetke sáıkes, qazir 248 adam úı jaǵdaıynda emdelip jatyr. Oblystyq ınfektsııalyq statsıonarda 97, aýdandardaǵy statsıonarlarda 34, Teńiz kenishindegi statsıonarda 732 adam em qabyldaýǵa jatqyzyldy» dep aqparat taratty basqarmanyń baspasóz qyzmeti.
Eske sala ketelik, budan buryn Atyraý oblysynda 71 adamnan koronavırýs anyqtalǵan edi.
