Atyraý oblysynda koronavırýs juqtyrǵandar qaıta kóbeıdi
ATYRAÝ. QazAqparat – «Qyzyl» aımaqtaǵy Atyraý oblysynda koronavırýs ınfektsııasyn juqtyrǵandar qaıta kóbeıdi, dep habarlaıdy QazAqparat.
Oblystyq Densaýlyq saqtaý basqarmasynyń baspasóz qyzmetinen málim etkendeı, ótken
táýlikte 89 adam qaýipti vırýsty juqtyrǵan. Al, ınfektsııalyq statsıonarlarda 371 naýqas
em qabyldap jatyr.
«Sońǵy táýlikte Atyraý qalasynda Covid-19 juqtyrýdyń 64 jaǵdaıy tirkeldi. Teńiz ken
ornynda – 5, Jylyoı aýdanynda – 7, Qyzylqoǵada – 5, Maqatta – 4, Isataıda – 3,
Mahambet aýdanynda 1 adamnan koronavırýs ınfektsııasy anyqtaldy. Qazir 399 adam úı
jaǵdaıynda emdelýde. Sondaı-aq, modýldik aýrýhanada – 139, №2 oblystyq aýrýhanada
– 115, aýdandardaǵy statsıonarlarda – 64, Teńiz ken ornyndaǵy statsıonarda – 48,
ftızıopýlmanologııalyq ortalyqta 5 adam emdelý úshin oqshaýlandy» -dep habarlady
basqarmanyń baspasóz qyzmeti.
Eske sala ketelik, buǵan deıin Atyraý oblysynyń ákimi vaktsınanatsııany jandandyrýdy
tapsyrǵan bolatyn.
