Atyraý oblysynda koronavırýs juqtyrǵandar birshama azaıdy

ATYRAÝ. QazAqparat – Atyraý oblysynda koronavırýs ınfektsııasyn juqtyrǵandarsany taǵy da azaıdy, dep habarlaıdy QazAqparat.

Oblystyq densaýlyq saqtaý basqarmasynyń baspasóz qyzmetinen málim etkendeı, ótken táýlikte qaýipti vırýsty juqtyrý deregi azaıyp, 19 naýqas anyqtalǵan.

«Koronavırýs ınfektsııasynyń taralý oshaǵy – Atyraý qalasy. Munda 10 adam qaýipti

vırýsqa shaldyqqan. Al, Jylyoı aýdanyndaǵy Teńiz ken ornynda – 8, Qyzylqoǵa aýdanynda 1 naýqas tirkeldi. Ótken táýlikte 17 patsıent saýyǵyp shyqty» -dep málim etti basqarmanyń baspasóz qyzmetinen.

Sońǵy táýlikte koronavırýs ınfektsııasynan emdelip jatqan naýqastar sany da azaıǵan.

Qazir úı jaǵdaıynda emdelý úshin 548 adam oqshaýlanǵan. Sondaı-aq, modýldik aýrýhanada – 111, Teńiz ken ornyndaǵy statsıonarda – 68, №2 oblystyq aýrýhanada – 52, al aýdandardaǵy ınfektsııalyq statsıonarlarda 38 patsıent emdelip jatyr.

Eske sala ketelik, budan buryn Atyraý oblysynda koronavırýs juqtyrǵandar kúrt

azaıǵanyn habarlaǵan bolatynbyz.