Atyraý oblysynda koronavırýs juqtyrǵan eki adam qaıtys boldy
ATYRAÝ. QazAqparat – Atyraý oblysynda koronavırýs ınfektsııasyn juqtyrǵan eki adam qaıtys boldy, dep habarlaıdy QazAqparat.
Oblystyq densaýlyq saqtaý basqarmasynyń baspasóz qyzmetinen málim etkendeı, ótken táýlikte qaýipti vırýsqa shaldyqqan 9 adam anyqtalǵan.
Atyraý qalasynda Covid-19 ınfektsııasyn juqtyrýdyń 3 jaǵdaıy rastalyp otyr. Teńiz ken ornynda –5, Jylyoı aýdanynda 1 adamnan koronavırýs ınfektsııasynyń belgisi tabylǵan.
«Atyraý oblysy burynǵysha «jasyl» aımaqta tur. Qazir 346 adam úı jaǵdaıynda, 47 naýqas ınfektsııalyq statsıonarlarda em-dom qabyldaý úshin oqshaýlanǵan. Onyń ishinde modýldik aýrýhanada – 35, aýdandardaǵy ınfektsııalyq statsıonarlarda – 10, al, №2 oblystyq aýrýhanada 2 patsıent bar. Infektsııalyq statsıonarlardaǵy júktemi 2%-dy qurap otyr. Jansaqtaý bóliminde jaǵdaıy aýyr 5 naýqas emdelip jatyr. Jaǵdaıy asa aýyr 1 patsıent ókpeni jasandy jeldetý apparatyna qosylǵan. Bul bólimdegi júkteme – 4,7%. Ótken táýlikte koronavırýs ınfektsııasymen aýyrǵan 2 adam qaıtys boldy», -dep habarlady basqarmanyń baspasóz qyzmeti.
Jylyoı aýdanyndaǵy Teńiz kenishinde ashylǵan ınfektsııalyq statsıonarǵa emdelý úshin birde-bir naýqas túspegen.
Eske sala ketelik, Teńiz kenishindegi ınfektsııalyq statsıonarda koronavırýsten emdelip jatqan naýqas joq ekenin jazǵan edik.
