Atyraý oblysynda koronavırýs juqtyrǵan 17 naýqastyń jaǵdaıy aýyr
Oblystyq densaýlyq saqtaý basqarmasynyń baspasóz qyzmetinen málim etkendeı, ótken táýlikte 21 adam qaýipti vırýsqa shaldyqqan. Atyraý qalasynda Sovid-19 ınfektsııasyn juqtyrýdyń 13 jaǵdaıy tirkelip otyr. Jylyoı aýdanyndaǵy Teńiz ken ornynda – 2, Mahambet aýdanynda – 4, Qyzylqoǵada – 1, Qurmanǵazy aýdanynda 1 naýqas anyqtalǵan.
«Búgingi málimetke sáıkes, qazir 142 adam úı jaǵdaıynda emdelip jatyr. Al, modýldik aýrýhanada – 85, Teńiz ken ornyndaǵy statsıonarda – 30, aýdandardaǵy ınfektsııalyq
statsıonarlarda 24 patsıent oqshaýlanǵan. Infektsııalyq statsıonarlardyń jansaqtaý bóliminde jatqan 17 naýqastyń jaǵdaıy aýyr. Onyń ishinde 3 patsıent ókpeni jasandy jeldetý apparatyna qosylǵan», -dep habarlady basqarmanyń baspasóz qyzmeti.
Eske sala ketelik, buǵan deıin Atyraý qalasy óńirde koronavırýs juqtyrýdyń negizgi oshaǵy bolyp otyrǵanyn habarlaǵan edik.