Atyraý oblysynda koronavırýs juqtyrǵan 157 adam emdelip jatyr
ATYRAÝ. QazAqparat – Atyraý oblysynda koronavırýs ınfektsııasyn juqtyrǵan 157 adam emdelip jatyr, dep habarlaıdy QazAqparat.
Oblystyq densaýlyq saqtaý basqarmasynyń baspasóz qyzmeti usynǵan aqparatqa súıensek, ótken táýlikte 5 adam qaýipti vırýsqa shaldyqqan.
«Atyraý qalasynda Covid-19 ınfektsııasyn juqtyrýdyń 3 jaǵdaıy rastaldy. Al, Isataı aýdanynda 2 naýqas anyqtaldy. Qazir 69 adam úı jaǵdaıynda emdelý úshin oqshaýlandy. Óńirdegi 580 tósek-orny bar ınfektsııalyq statsıonarlarda 88 naýqas (júkteme – 15,2%) em qabyldap jatyr. Onyń ishinde molýldik aýrýhanada – 61, aýdandardaǵy ınfektsııalyq statsıonarlarda – 19, Jylyoı aýdanynda ornalasqan Teńiz ken ornyndaǵy statsıonarda 8 naýqas em-dom qablydaý úshin jatqyzylǵan» -dep málim etti basqarmanyń baspasóz qyzmetinen.
Sondaı-aq, ınfektsııalyq statsıonarlardyń 58 orynǵa arnalǵan jansaqtaý bólimine koronavırýs ınfektsııasyn juqtyryp, jaǵdaıy nasharlaǵan 14 naýqas túsken. Onyń ishinde 4 patsıent ókpeni jasandy jeldetý apparatyna qosylǵan. Qazir bul bólimdegi júkteme – 24,1%.
Eske sala ketelik, budan buryn «Jasyl» aımaqtaǵy Atyraý oblysynda 16 naýqas jansaqtaý bóliminde jatqanyn habarlaǵan edik.
