Atyraý oblysynda koronavırýs juqtyrǵan 102 naýqas jansaqtaý bóliminde jatyr
ATYRAÝ. QazAqparat – Atyraý oblysynda koronavırýs ınfektsııasyna shaldyǵyp, jaǵdaıy nasharlaǵan 102 naýqas jansaqtaý bóliminde jatyr, dep habarlaıdy QazAqparat.
Oblystyq densaýlyq saqtaý basqarmasy baspasóz qyzmetiniń málimetinshe, ınfektsııalyq statsıonarlarda qaýipti vırýsty juqtyrǵan 1 674 naýqas oqshaýlanǵan.
«Qazir 3 012 tósek-orny bar statsıonarlardaǵy júktemeniń úlesi 55,6%-dy qurap otyr.
Statsıonarlardaǵy 123 orynǵa arnalǵan jansaqtaý bóliminde 102 naýqas emdelip jatyr.
Onyń ishinde 10 patsıent ókpeni jasandy jeldetý apparatyna qosylǵan. Bul bólimdegi júkteme 82,9%-ǵa jetti», -dep málim etti basqarmanyń baspasóz qyzmetinen.
Eske sala ketelik, buǵan deıin Atyraý oblysynda jansaqtaý bóliminde jatqan 101 naýqastyń jaǵdaıy aýyr ekenin jazǵan bolatynbyz.
