Atyraý oblysynda koronavırýs ınfektsııasyn juqtyrý qaıta órshidi
Oblystyq densaýlyq saqtaý basqarmasynyń baspasóz qyzmetinen málim etkendeı, ótken táýlik – 11 qańtarda 139 adam Covid-19 ınfektsııasyna shaldyqqan.
«Qaýipti vırýsty juqtyrý deregi Atyraý qalasynda kóbeıip otyr. Shaharda bir táýlikte Covid-19 ınfektsııasyn juqtyrýdyń 110 jaǵdaıy rastaldy. Jylyoı aýdanyndaǵy Teńiz ken ornynda 29 naýqas anyqtaldy. Koronavırýs ınfektsııasy sımptomdy belgisi 77 naýqasta bar. Bul Atyraý oblysynyń «qyzyl» aımaqqa enýine basty sebep bolyp otyr», -dep habarlady basqarmanyń baspasóz qyzmeti.
Ótken táýlikte qaýipti vırýstan 22 patsıent saýyǵyp shyqqan. Qazir 190 adam úı jaǵdaıynda emdelip jatyr. Al, modýldik aýrýhanada – 142, Teńiz ken ornyndaǵy ınfektsııalyq statsıonarda – 126, aýdandardaǵy statsıonarlarda 17 naýqas oqshaýlanǵan.
Eske sala ketelik, budan buryn Atyraý oblysynda koronavırýsqa shaldyqqandar sany kúrt kóbeıgenin jazǵan edik.