Atyraý oblysynda koronavırýs ınfektsııasymen 5 808 adam aýyryp jatyr
Oblystyq densaýlyq saqtaý basqarmasy baspasóz qyzmetiniń málimetine súıensek, ótken táýlikte COVID-19 ınfektsııasyn 145 adam juqtyrǵan. Atyraý qalasynda 90 naýqas tirkelgen. Al, Jylyoı aýdanynda 23, Qyzylqoǵada – 9, Qurmanǵazyda – 7, Isataıda – 3, Mahambette – 3, Inder aýdanynda 2 naýqas anyqtalǵan. Sondaı-aq, Teńiz ken ornynda 8 jumysshynyń qaýipti vırýsqa shaldyqqany rastalǵan.
Óńirde qazir koronavırýs ınfektsııasyn juqtyrǵan 5 808 adam aýyryp jatyr. Naýqastardyń arasynda 5 664 adam úı jaǵdaıynda, al, 244 patsıent ınfektsııalyq statsıonarlarda emdelip jatyr. Máselen, modýldik aýrýhanada – 124, ftızıopýlmanologııalyq ortalyqta – 50, aýdandardaǵy ınfektsııalyq statsıonarlarda – 50, al, №2 oblystyq aýrýhanada 20 naýqas oqshaýlanǵan.
Ótken táýlikte 562 patsıent qaýipti vırýstan saýyǵyp shyqty.
Jylyoı aýdanynda ornalasqan Teńiz ken ornyndaǵy ınfektsııalyq statsıonarǵa ekinshi kún qatarynan naýqastar túsken joq.
Eske sala ketelik, budan buryn Atyraý oblysynda koronavırýs ınfektsııasyna shaldyqqandar kúrt tómendegenin habarlaǵan edik.
