Atyraý oblysynda kópbalaly polıtseılerge páter berildi
ATYRAÝ. QazAqparat - Atyraý obylysynyń Jyloı aýdanynda 9 polıtsııa qyzmetkeri páter kiltin aldy, dep habarlaıdy QazAqparat.
«Aýdandyq ishki ister bóliminiń 9 qyzmetkerine jańa páter kilti berildi. Páter jaldap kelgen olardyń otbasylary kópbalaly sanatqa jatqyzylady. Sońǵy jyldarda alǵash ret polıtseılerge bir mezette birneshe páter berilip otyr», - dep habarlaıdy óńirlik ІІD-niń baspasóz qyzmeti.
«2016 jyldyń sońy - 2017 jyldyń basy aralyǵynda oblystyq ákimdik ІІD qyzmetkerlerine 21 páter bóldi. Eki jyldan beri ІІD qyzmetkerleri men basshylyǵynyń baspana máselesi sheshimin taýyp otyr. Qazirgi ýaqytta 72 adam páter jaldaýǵa ústemeaqy aldy», - delingen habarlamada.
Atyraý oblystyq ІІD qyzmetterinde 200-den astam bos oryn bar. Polıtsııa qatarynda jumys isteýge adamdardyń kelmeýine baspana alý máselesi basty sebep bolyp otyr.
