Atyraý oblysynda kómir tıelgen júk kóligi órtendi
ATYRAÝ. QazAqparat – Atyraý oblysynda kómir tıelgen júk kóligi órtendi, dep habarlaıdy QazAqparat.
Mahambet aýdany ákimdiginiń málimetinshe, júk kóliginiń tirkemesi keshe, 16 mamyrda Mahambet aýdanyndaǵy Ortaqshyl aýylynyń mańynda órtengen.
Órtti aýdandyq tótenshe jaǵdaılar bóliminiń mamandary sóndirgen. Júk kóliginiń «Ava Trans Logıstık» kompanııasyna tıesili ekeni anyqtalǵan. Kólikke tıelgen kómirdi Mańǵystaý oblysyna jetkizý kózdelgen.
Júk kóligindegi órttiń shyǵý sebebi anyqtalýda.
Eske sala ketelik, buǵan deıin Teńiz kenishinde 5 avtobýs órtenip ketkenin jazǵan edik.
