Atyraý oblysynda kólikteri batpaqqa batqan birneshe adam qutqaryldy
ATYRAÝ. QazAqparat – Atyraý oblysynda batpaqqa batyp qalǵan eki kóliktegi 7 adam qutqaryldy, dep habarlaıdy QazAqparat.
Oblystyq tótenshe jaǵdaılar departamenti baspasóz qyzmetiniń málimetinshe, eki kólik te keshe, 24 naýryzda dalalyq joldaǵy batpaqqa batyp qalǵan.
«Tańerteńgi saǵat 08:25-te «NIVA» kóliginiń Maqat aýdanyndaǵy Dossor kentinen 35 shaqyrym jerde ornalasqan «Sarmaıshaǵyl» ýchastoginiń mańynda batpaqqa batqany týraly habar tústi. Oqıǵa ornyna Maqat aýdanyndaǵy №8 órt sóndirý bóliminiń 3
qyzmetkeri jetip, batpaqqa batqan kólikti shyǵarý jumysyn júrgizdi. «NIVA» kóliginiń júrgizýshisi men 2 jolaýshysy Dossor kentine jetkizdi. Al, keshki saǵat 20:42-de Atyraý qalasynyń irgesindegi Novokırpıchnyı aýylynan 25 shaqyrym jerdegi «Kóshkinbaı» qystaǵynyń mańynda «Toyota Hilux» markaly avtokóligi de batpaqty jolda qalǵany
anyqtaldy. Atalǵan avtokóliktiń júrgizýshisi men 3 jolaýshysy Atyraý qalasyna aman-esen jetkizildi», -dep habarlady departamenttiń baspasóz qyzmeti.
Eske sala ketelik, buǵan deıin Tótenshe jaǵdaı qyzmetkerleri men ekologter Kaspıı
teńizine áýeden barlaý júrgizgenin jazǵan bolatynbyz.
