Atyraý oblysynda kólik júrgizýshisinen 50 keliden astam bekire tárkilendi
Oblystyq polıtsııa departamenti baspasóz qyzmetiniń málimetine súıensek, bekire tuqymdas baǵaly balyqty zańsyz tasymaldaǵan júrgizýshi Isataı aýdanynda ustalǵan.
«Departamenttiń balyq qoryna qylmystyq qol suǵýshylyqqa qarsy kúres bóliminiń qyzmetkerleri «Brakoner» is-sharasyn ótkizip jatyr. Olar 11 qarashada saǵat 8:50 shamasynda patrýldik polıtsııa ınspektorlarymen birge «Aqtóbe-Reseı Federatsııasy shekarasy» baǵytyndaǵy tas joldyń 616-shaqyrymynda «Lada Granta» kóligin toqtatqan.
Bul kóliktiń ıesi Isataı aýdanynyń 37 jastaǵy turǵyny bolyp shyqty. Kólikti tekserý kezinde júk salǵyshtan shamamen 50-60 keli kólemindegi aq tústi 3 qaptarǵa salynǵan bekire tuqymdas balyqtaryn anyqtap, tárkiledi» -dep málim etti departamenttiń baspasóz qyzmetinen.
Qazir ustalǵan kólik júrgizýshisine qatysty QR Qylmystyq kodeksiniń 339-babynyń 2-bóligimen sotqa deıingi tergeý bastaldy.
Eske sala ketelik, buǵan deıin Atyraý oblysynda brakonerden 400 kelige jýyq balyq tárkilengenin habarlaǵan bolatynbyz.