Atyraý oblysynda kólik qaqqan múgedektigi bar kisi mert boldy
Oqıǵa keshe, 12 qyrkúıekte Dossor kentinde bolǵan.
Bul týraly jergilikti ýaqytpen 20:50 shamasynda Maqat aýdandyq polıtsııa bólimine selolyq aýrýhanadan habar túsken.
«Maqat aýdanynyń Dossor selolyq aýrýhanasynan er adamnyń belgisiz múrdeni ákelip turǵany jóninde habarlanǵan. Tekserý kezinde Toyota markaly avtokóliginiń 1994 jylǵy júrgizýshisi Qulsary-Atyraý baǵytyndaǵy joldyń boıyndaǵy gaz-janarmaı beketi tusynda er adamdy qaǵyp ketkeni anyqtaldy. Oqıǵa ornynda birinshi top múgedektigi bar 59 jastaǵy er adam mer bolǵan», -dep málim etti polıtsııa departamentiniń baspasóz qyzmetinen.
Qazir polıtsııa qyzmetkerleri atalǵan derek boıynsha tergeý júrgizip jatyr. Jol-kólik oqıǵasyna baılanysty QR Qylmystyq kodeksiniń 345-babynyń 3-bóligimen qylmystyq is tirkeldi.
Eske sala ketelik, budan buryn Atyraýda 19 jastaǵy júrgizýshi kishkentaı balany qaǵyp ketkenin jazǵan bolatynbyz.
Jol-kólik oqıǵasy Atyraý qalasyndaǵy Beıbarys dańǵyly men Toqatov kóshesiniń qıylysyndaǵy rettelmegen jaıaý júrginshiler jolaǵynda bolǵan.
Chevrolet Nexia avtokóligi arnaıy jolaqpen ótip bara jatqan 2010 jyly týǵan jasóspirimdi qaǵyp ketti.
Jasóspirim oblystyq balalar aýrýhanasyna jetkizildi. Al, kóliktiń rýlinde 19 jastaǵy júrgizýshi bolǵan.
