Atyraý oblysynda kólik qaqqan 9 jasar bala mert boldy
ATYRAÝ. QazAqparat – Atyraý oblysynda kólik qaqqan 9 jasar bala ajal qushty, dep habarlaıdy QazAqparat.
Oblystyq polıtsııa departamenti baspasóz qyzmetiniń aqparatyna súıensek, oqys oqıǵa Maqat aýdanynda bolǵan.
«Maqat aýdandyq polıtsııa bólimine 12 tamyzda saǵat 19:00-de Maqat kentinde velosıpedpen kele jatqan balany kólik qaqqany habarlanǵan. Jasósprimdi «Toýota SIENNA» avtokóligimen qaǵyp ketken 53 jastaǵy azamat anyqtaldy. Oqıǵa ornynda 2012 jyly týǵan bala esin jımastan qaıtys bolǵan. Jol-kólik oqıǵasyna kináli júrgizýshi ustalyp, ýaqytsha ustaý ızolıatoryna qamaýǵa alyndy» -dep habarlady departamenttiń baspasóz qyzmeti.
Qazir atalǵan derekke qatysty QR Qylmystyq Kodeksiniń 345-babynyń 3-bóligimen sotqa deıingi tergeý júrip jatyr.
Eske sala ketelik, budan buryn Atyraý oblysynda bir otbasynyń 4 adamyn qaqqan júrgizýshi ustalǵan bolatyn.
