Atyraý oblysynda kólik qaqqan 11 jasar jasóspirim kóz jumdy

ATYRAÝ. QazAqparat – Atyraý oblysynda 11 jasar jasóspirimdi kólik qaǵyp ketti. Bala oqıǵa ornynda mert boldy, dep habarlaıdy QazAqparat tilshisi.

Bul derekti oblystyq Polıtsııa departamentiniń baspasóz qyzmeti rastady. Oqıǵa búgin, 20 qazanda tańerteńgi saǵat 07:45 shamasynda bolǵan.

«Jylyoı aýdanynyń ortalyǵy – Qulsary qalasynda Toyota Prado kóligi jasóspirimdi qaǵyp ketti. Jasóspirim oqıǵa ornynda kóz jumdy. Kólikti 1949 jylǵy týǵan er adam basqarǵany anyqtaldy», - dep habarlady departamenttiń baspasóz qyzmetinen.

Qazir atalǵan derekke baılanysty QR Qylmystyq kodeksiniń 345-baby 3-bóligimen sotqa deıingi tergeý bastaldy. Ózge aqparat QR Qylmystyq-potsestik kodeksiniń 201-babyna sáıkes jarııalaýǵa jatpaıdy.

Oblystyq Polıtsııa departamenti jergilikti polıtsııa qyzmeti basqarmasynyń bastyǵy Erlan Bıǵambaevtiń málimetine súıensek, jyl basynan balalarǵa qatysty 24 jol-kólik oqıǵasy tirkelgen. Saldarynan 53 bala jaraqat alǵan. Eki bala mert bolǵan. Ótken jylmen salystyrǵanda jol apattary saldarynan kóz jumǵan balalar sany 57,1% tómendegen.

Eske salaıyq, buǵan deıin Atyraýda kólik qaqqan 16 jastaǵy jasóspirim aýrýhanaǵa jetkizilgenin jazǵan edik.

Vıdeodan alynǵan kadr