Atyraý oblysynda kólik aýdarylyp, sheteldik júrgizýshi men jolaýshy aýrýhanaǵa tústi
Jol-kólik oqıǵasy 12 maýsym kúni Dossor-Qulsary-Beıneý tas jolynda bolǵan.
«Respýblıkalyq mańyzy bar tas joldyń 95-shaqyrymy tusynda Chevrolet Cobalt avtokóligi aýdaryldy. Kólik rýlindegi Ózbekstan Respýblıkasynyń 2000 jylǵy azamaty azamaty basqarý júıesin ıgere almaǵany anyqtaldy. Sonyń saldarynan júrgizýshi men 1985 jyly týǵan jolaýshy túrli dene jaraqatyn aldy. Jol-kólik oqıǵasynan zardap shekken sheteldikter aýrýhanaǵa jatqyzyldy», -dep habarlady departamenttiń baspasóz qyzmeti.
Polıtsııa qyzmetkerleri jol-kólik oqıǵasyna baılanysty tıisti is-qujattardy jınaqtap jatyr.
«Jol-kólik oqıǵasynyń deni jyldamdyqty shamadan tys arttyrýdyń saldarynan bolady. Sol sebepten, júrgizýshilerge jolda júrý erejesin qataý qatań saqtaýdy eskertemiz», -dep málim etti departamenttiń baspasóz qyzmetinen.
Eske sala ketelik, budan buryn Atyraýda jantúrshigerlik jol apatynan keıin rýldegi jasóspirim aýrýhanaǵa túskenin jazǵan bolatynbyz.
Atyraý qalalyq polıtsııa basqarmasy patrýldik polıtsııa batalony komandıriniń orynbasary Ersin Qojahmetovtiń aıtýynsha, munaıly shahardan Damby baǵytyna qatynaıtyn joldyń Qyzylbalyq eldi mekeni tusynda eki kólik soqtyǵysqan.
Eki kóliktiń biriniń rýlinde kámeletke tolmaǵan jasóspirim bolǵan. Jasóspirimniń jasy – 17-de.
«Shaqyrtýǵa baılanysty oqıǵa ornyna jedel járdem brıgadasy jiberildi. Oqıǵa ornynda bir eresek adam men bir jasóspirimge alǵashqy medıtsınalyq kómek kórsetildi. Qazir zardap shekken olar ártúrli dene jaraqatymen oblystyq aýrýhana men oblystyq balalar aýrýhanasyna jetkizildi», -dep habarlady densaýlyq saqtaý basqarmasynyń baspasóz qyzmeti.
