Atyraý oblysynda kólik apatynan bir jolaýshy qaza tapty
ATYRAÝ. QazAqparat - Atyraý oblysyndaǵy «Dossor-Qulsary-Beıneý» tasjolynda jantúrshigerlik kólik apaty boldy, dep habarlaıdy QazAqparat tilshisi.
Atyraý oblysynyń ІІD baspasóz qyzmetiniń habarlaýynsha, keshe saǵat 7.00-de «Dossor-Qulsary-Beıneý» tas jolynyń 788 shaqyrymynda 27 jastaǵy Ózbekstan azamaty mingen «Lada Largýs» markaly avtokóligi aýdaryldy.
«Jol-kólik oqıǵasynyń saldarynan bir jolaýshy oqıǵa ornynda kóz jumdy, birneshe adam aýrýhanaǵa jatqyzyldy», - dep habarlady Atyraý oblystyq ІІD baspasóz qyzmetinen.
Іshki ister organdary Qazaqstan Respýblıkasynyń Qylmystyq kodeksiniń 345-shy «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» baby boıynsha is qozǵap, aldyn ala tergeýdi bastady.
QІJK-niń 201 babynyń 1-bóligine sáıkes, tergeý múddesine saı basqa aqparat jarııa etilmeıdi.
