Atyraý oblysynda qolǵap kımegen dúken ıesi 3 kúnge qamaldy
ATYRAÝ. QazAqparat –Atyraý oblysynda qolǵap kımegen kásipker 3 kúnge qamaldy, dep habarlady QazAqparat.
«Mobıldi top arnaıy reıd barysynda Isataı aýdanynyń Aqqystaý selosynda tótenshe jaǵdaı talaby buzylǵany anyqtaldy. Munda azyq-túlik dúkeni bar kásipker bir rettik qolǵapty kımeı, kelýshilerge qyzmet kórsetken. Osylaısha, tótenshe jaǵdaı kezindegi sanıtarlyq-epıdemıologııalyq sharanyń talabyn buzǵan. Quqyq qorǵaý organdarynyń ókilderi kásipkerge qatysty hattama toltyryp, sotqa joldady» -dep habarlady oblystyq sottyń baspasóz qyzmeti.
Isataı aýdandyq soty bul isti 30 naýryzda onlaın rejımde qarady. Sot kásipkerdi kináli dep tanyp, oǵan QR Ákimshilik quqyq buzýshylyq týraly Kodeksiniń 476-babynyń 6-tarmaǵymen 3 kúnge qamaýǵa alý túrindegi jaza taǵaıyndady.
