Atyraý oblysynda Qıǵash ózeniniń muzyn jardy
ATYRAÝ. QazAqparat - Atyraý oblysynda Qıǵash ózeniniń muzyn jardy, dep habarlaıdy QazAqparat.
Qıǵash ózeni Atyraýdyń Reseıdegi Astrahan óńirimen shektesetin Qurmanǵazy aýdanynda ornalasqan.
Qurmanǵazy aýdandyq ákimdiginiń málimetinshe, aýa raıynyń jylynýyna baılanysty ózendegi muzdy jarýǵa týra kelgen. Óıtkeni, muz ústinen balyq aýlaýǵa shyqqan balyqshylarǵa qaýip tóngen. Osyǵan oraı aýdandyq tótenshe jaǵdaılar bóliminiń mamandary oqys oqıǵanyń aldyn alý úshin muzdy jarýǵa sheshim qabyldady.
Qıǵashtaǵy muzdy jarý úshin «Bodryı» muzjarǵyshy ózenge túsirildi.
Mamandardyń aıtýynsha, buryn bul ózende aqpanda muz jarylmaǵan. Degenmen, sınoptıkter Atyraý oblysynda aýa raıy áli de sýytýy múmkin ekenin eskertip otyr.
