Atyraý oblysynda kıberpolıtseıler jumysqa kiristi
Atyraý oblystyq Polıtsııa departamentiniń baspasóz qyzmetinen málim etkendeı, bul topqa ınternet arqyly jasalatyn kıberqylmysty anyqtaý júktelip otyr.
«Internet-alaıaqtyqtyń aýqymy keńeıip, túrli resýrstar men áleýmettik jeliler arqyly alaıaqtardyń arbaýyna túsetinder artyp otyr. Qazir alaıaqtar ózin polıtsııa qyzmetkeri retinde tanystyryp, jaqyndary jol-kólik oqıǵasyna tap boldy, nemese basqa da zańsyz áreketterdi jasady dep aldaıdy. Bul máseleni oń sheshý úshin aqsha suraýy múmkin. Osyndaı qylmystyq áreketterge baılanysty departament janynan Atyraý oblysynyń aýmaǵynda ınternet arqyly jasalatyn kıberqylmystardyń jańa túrin anyqtaý, aldyn alý maqsatynda «Kıberpol» toby quryldy», - dep málim etti departamenttiń baspasóz qyzmetinen.
Polıtseıler 102 operatoryna qońyraý shalyp, aıtylǵan aqparattyń shynaıylyǵyn tekserýdi usynyp otyr.
«Jol-kólik oqıǵalary 102 operatoryna tirkeledi. Tipti belgisiz adamdar Facebook, Instagram áleýmettik jelileri arqyly túrli zatty arzanǵa satatyny týraly jarnamalar jarııalaıdy. Suranys túsken kezde taýar satylyp ketpeýi úshin aldyn ala tólem jiberýdi suraıdy. Áleýmettik jelilerdegi jarnamalardy muqııat tekserip, taýardy qolyńyzǵa alǵanǵa deıin tólem jasamaýdy eskertemiz», - dep málim etti vedomstvodan.
Eske sala ketelik, budan buryn atyraýlyqtardy 30 mln teńge shyǵynǵa batyrǵan týrıstik fırma dırektory 5 jylǵa sottalǵanyn habarlaǵan bolatynbyz.
