Atyraý oblysynda qajetti dári-dármekterdiń barlyǵy bar – ákim
ATYRAÝ. QazAqparat – Atyraý oblysynda koronavırýsqa qarsy táýliktik PTR-test 7 myńǵa jetti, dep habarlaıdy QazAqparat.
Oblys ákimi Mahambet Dosmuhambetoviń aıtýynsha, pandemııa bastalǵan alǵashqy kezeńde óńirde táýligine 350 test zertteýin júrgizetin 2 PTR zerthana bolǵan. Al qazir zerthanalardyń sany 11-ge jetip, táýligine 7 myń PTR-test júrgiziledi.
«Dárilik zattardyń turaqty qoryn jáne dárihanalar jelisinde olardyń tómendemeıtin qoryn qalyptastyrdyq. Osy maqsatta «Atyraý» ÁKK» AQ arqyly «Іńkár» JShS-ne 500 mln teńge bólinip, negizgi dárilik zattardyń 42 ataýy satyp alyndy. Qazir oblystyń dárihanalar júıesinde qajetti dári-dármekterdiń barlyǵy bar» deıdi Mahambet Dosmuhambetov.
Eske sala ketelik, budan buryn Atyraýda byltyrǵy naýryzdan beri 643 myń PTR-test júrgizilgenin habarlaǵan bolatynbyz.
