Atyraý oblysynda qaıyq aýdarylyp bir adam sýǵa ketti
ATYRAÝ. QazAqparat – Atyraý oblysynda aýdarylǵan qaıyqta bolǵan aǵaıyndynyń biri sýǵa ketti, dep habarlaıdy QazAqparat.
Oblystyq tótenshe jaǵdaılar departamentiniń baspasóz qyzmetinen málim etkendeı, oqys oqıǵa búgin, 24 sáýirde saǵat 01:30-da bolǵan.
«Qurmanǵazy aýdanynda aǵaıyndy eki jigittiń Birlik aýylynan 35 shaqyrym qashyqtaǵy Qıǵash ózenine balyq aýlaýǵa barǵan. Túngi saǵat 01:30-da aǵaıyndy jigitter otyrǵan qaıyq aýdarylǵan. Aǵaıyndynyń úlkeni óz betimen jaǵalaýǵa shyqqan. Al, 1993 jylǵy inisi Qıǵash ózenine batyp ketken», -dep málim etti departamenttiń baspasóz qyzmetinen.
Qıǵash ózeninen batqan jigitti izdestirý búgin, 24 sáýirde saǵat 10:30-da bastaldy. Tótenshe jaǵdaılar departamentiniń 7 qyzmetker sýǵa batyp ketken jigittiń máıitin saǵat 13:45-te taýyp, sýdan shyǵarǵan.
Eske sala ketelik, budan buryn ózennen atpen kesip ótpek bolǵan jigittiń máıiti tabylǵanyn habarlaǵan bolatynbyz.
